تذكرونى بالخير

yasmena

إداريي ومشرفي وأعضاء منتدانا الغالي الراقي المتألق
لست أدري ما ذا أقول . ومن أين أبدأ

قـــرار صــعـب لكـــن انا مـضـطــــرة !
غصب عنى والله الظروف اقوى منى

أنا هسيب المنتدى

قــــــررت انى اسيب المنتـــــدى لظروف خاصة جدا
ما تــــسالوني عن الاسبــــاب لانها كثـــيرة وما بقدر اصارحكـــم بيهـــــــا
محــــتفظة بيهـــــا لــــنفسي

تذكروني دوما عندما أرحل عنكم أوأهرب منكم
تذكروني عندما يُنطق إسمي أو تفتحون دفاتر ذكرياتكم
تذكروني بأني كنت أنسانة بسيطة تحاول رسم الفرح لكم
تذكروني عندما ترون النعوش تحمل على الأكتاف
والقبور تغلق وتتساقط الأهداب وتحشر الأرداف
والكفن الأبيض يلتف حول الجسد كالثعبان يتسلق بلا أهداف
تذكرونى عندما ترون الدموع تنحدر بقوه من العيون وتسقط سريعةً ولا تلمسه أنامل
لكي تخمد هذا الينبوع الذي يتفجر في الأزقه والبيوت المسكونة بالترانيم
التى ليس لها معاني والضحك عليها لأنها تشبه الأغاني
أنا لستُ ملاك ولا شيطان ولكن احب أن أكون حره ولكن الحياة جعلتني أعيش في تجربه مُره
تذكروني أثناء دُعائكم في رمضان وصلاة الليل والناس نيام
وارفعوا أكفكم إلى السماء وأطلبوا لي الغفران

المهـــم حبـــيت اسلـــم عـــليكم قبـــل ما اطلـــع واقـــول لكــــم :-
هتوحشوني قوى

شـــدوا حيــــلكم وخـــلونا نشـــوف ابــــداعاتكم

اكتــــبو وما تقفوا لأن بدون الكتابه لا نقدر نعيش

واتمنى لو اى شخص زعلان منى
بقصد او دون قصد يسامحنى

سلامى الخاص جدا
ابو احمد طارق حسام مانسو فاندا
هنا ايزيس سندريلا رحمة بسمة
علودى يوسف رسلان ورلورد ahah
سوسكا ريتاج ياسمين حبيبة

واى شخص مش ذكرت اسمة
لكن كل ولاد البلد فى قلبى دايما

في الاخـــر بتمنى ليــــكم كــــل الـــتوفــــيق
والله يرعاكـــــــم ويحفظكــــــــم

yasmena

انتى هتوحشينى اوى ..... مش هسال انتى مالك واه السبب
ولكن اكيد انتى بتمرى بمشكله وازمه وان شاء الله هتعدى وهترجعى
انا انا شاء الله عندى امل انى انتى هترجعى
انا بمر بازمه وبمشكله وبحاول اصمد وبدعى ربنا انهاتمر
انا ان شاء الله فى انتظارك ....... انا مبحبش كلمة مع السلامه
نقره لعرض الصورة في صفحة مستقلة

yasmena

ليه ياقمر المنتدى الخبر ده

انتى زعلتينا كده

لعله خير يارب وتكون ازمة وسحابة وتعدى بكل خير

فلا تتركينا فنحن اخوة فى الله تعودنا وجودك وسطنا وبيننا اخت غالية عزيزة

ويعز علينا هذا الكلام ,, وما بايدينا الا ان ندعو الله لكى دائما

ان يشرح صدرك دائما لما يحب ويرضى ,, ويعجل برجوعك بيننا قريبا ويسعد ايامك ويعدى الصعوبات على كل خير

yasmena

مش عارف اقول لك ايه والله يا ياسمينا
انا كنت بمجرد انى اشوف اسمك فى المنتدى اطمن انك بخير
ازاى بقى هنبقى مطمنين واحنا مش شايفينك فى المنتدى وعارفين انك بتمرى بظروف
انا عاوز اقول لك حاجة
انا فعلا سعيد بمعرفتك وسعيد بالايام اللى قضيتها معاكم هنا فى المنتدى وانتى وسطنا
احنا بنتمنى انك تمرى من الظروف دى بسلام
وعاوز اقول لك انى فاكرك على طول وعمرى ما هنسى ان فى واحده جميلة هنا فى المنتدى اسمها ياسمينا
ومش عاوز اقول لك الوداع ولا اى سلام لان انا عندى امل انك ترجعى تانى
وان قلته يبقى سلام مؤقت كأنك داخلة تنامى وهتصحى وتدخلى المنتدى
وعاوز اشوف اسمك ينور تانى فى المنتدى
اشوفك على خير

yasmena

كل اللي أقدر أقوله
ربنا معاكي ويوفقك وييسرلك الصعب
بس هترجعي ياياسمين
وكل يوم هنستني أنك انتي اللي تفتكرينا وترجعي
من الأخر
الظروف دي هيجيلها يوم وتنتهي للخير إن شاء الله
وده مش مبرر للخروج
شوفي نفسك وضبطي أمورك وبعدين
ارجعي "تمام يا ....
معاكي أسبوع ,10 أيام
ده كبيرك
بعد كده هتضربي مااااااشي

yasmena

مينفعش اودعك ولا اقولك مع السلامه
ومش هسأل لان اكيد ظروفك اكبر منك بكتير
لكن انا عارفه انك انسانه قويه جدا وفوق اى ظروف
مفيش ازمه بتقف كل الازمات هيجيلها يوم وتعدى وتتنسى
وتحمدى ربنا وقتها انها عدت
هنتظرك بفارغ الصبر وكل يوم هنظر اسمك يظهر على المنتدى
لان ده منتداكى ومجهودك فيه هيبقى محفور زى اسمك مهو محفور

بجد انا مش عارفه اقول ايه
حاسه اننا اتحسدنا
كلنا بنمر بظروف صعبه وبنغيب بس بنرجع
بس مكونتش عايزه فى يوم من الايام انى اشوف التوبيك اللى بتقولى فيه الوداع زى بابا
متتأخريش علينا وعليه بالذات هستنى او فرصه تبلغينى فيها اخبارك وتطمنينى انك قدرتى على ظروفك وانها عدت على خير
بأى وسيله طمنينى اول ما تتاح لكى الفرصه
اشوفك على الخير يارب
هتوحشينى قوى لحد ما اشوفك
استودعك الله
لا اله الا الله

yasmena

ياسمينا حبيبتى انا هحترم رغبتك فى انى ما اسالش عن الاسباب اللى خليتك تاخدى القرار ده ممكن نعتبرها فترة وان شاء الله تعدى و ترجعى تانى لان انتى مش اى عضوة فى المنتدى ممكن تمشى و خلاص انتى عضو مؤثر و مهم واى كانت الظروف اللى بتمرى بيها ان شاء الله تمر على خير و خلى ثقتك بالله و توكلى عليه يؤتيك خير الدنيا و الاخرة و تذكرى دائما ..إذا رأيت الله يحبس عنك الدنيا ويكثر عليك الشدائد والبلوى ..
فاعلم أنك عزيز عنده .. وأنك عنده بمكان ..وأنه يسلك بك طريق أوليائه وأصفيائه .. وأنه .. يراك ..
فى قوله تعالى .. (( واصبر لحكم ربك فإنك بأعيننا )) … صدق الله العظيم
وتاكدى دائما اننا نذكرك بالخير و فى انتظار رجوعك مرة اخرى ان شاء الرحمن
الى لقاء قريب ...... فى حفظ الله ياسمينا

yasmena

بصراحة

مكنتش حابب انى اشوف الموضوع دة

لا حول ولا قوة الا بالله والله انا مش عارف يا جماعه اقول ايه ولا اتكلم ازاى فى حاجه

.نتعود على واحد ويأثر فينا وجوده جدا و انتى بالذات وجودك معانا ليه طعم جميل

بالرغم من المجموعه الممتازه اللى فيه حاسس انه هيكون ناقصك

والله العظيم زعلتينى

بجدياسمينا كنتى منورا المنتدى

هنستناكى جدا متغبيش

انااااااااااا زعلان

بجد والله هتوحشينى اوى اوى

ربنا معاكي ويوفقك وييسرلك الصعب

اشوفك على خير

yasmena

ربنايوفقك ياسمينا وان شاء الله مشاكلك كلها تتحل وتمر الازمه دى على خير وترجعى تانى تنورى المنتدى
وانتى اكيد عارفه معزتك عندى وعند كل ولاد البلد وان شاء الله تتغلبى على مشاكلك وتكونى اقوى منها
وترجعى لينا تانى قريب لان مش هينفع تبعدى عننا

yasmena

انا مش هقولك انتى هتمشى لية
وعشان اية ولا حتى هقولك مينفعش
كدا ولا اى كلام من اللى انتى عارفاة دة
انا هقولك حاجة مهما كانت ظروفك ومهما
كان اللى عندك ومهما كانت اسبابك خليكى
دايما فوق الظروف واعلى من الاسباب خليكى
انتى العالية مش هما العالين عليكى متخليش اى
ظرف او اى سبب يخليكى ترحلى من مكان انتى ليكى
فية صحبة عرفتيها وحبيتيها ودول يخلوكى تقوى ويخلوكى
تفكرى بدل المرة الف قبل اما تاخدى قرارك
خليكى قوية وبلاش الضعف والقهر اللى فى كلامك واسلوبك
بلاش تهزمى نفسك بايدك وانتى ممكن تقويها وتخليها اكبر من اى شيئ
طبعا زمانك بتقولى اية الصراحة دى وبتكلم دى بشكل بجراءة وبجمودية
بس انا مبحبش الضعف وبحب الناس تبقا قوية مهما كانت الظروف
انا معرفش انتى عندك اية او اية مشاكلك بس تأكدى ان المشاكل بيجلها
يوم وتزول وبعد اما تزول هتلاقيكى بتقولى لنفسك اية اللى كنت فية دة
خليكى قوية ياياسمينا وخليكى صلبة ومتخليش الظروف تهزك وتجبرك
انك تبقى مكسورة ومهزومة
مش هقولك مع السلامة لاهقولك فكرى تانى مع نفسك كدا وبينك وبين
نفسك وفى كلامى دة وبعدها انا واثقة انك لوحسبيتيها بالعقل وبذكاء
هترجعى هنا تانى لان دة مكانك وبتاعك وملكك وليكى دور فية يحسب ليكى
متسبيش مكانك لحد لانة محدش احق بية غيرك ومضيعيش جهد شهور فى يوم
وفى الاخر هقولك خدى فترة راحة ونقاهة مع نفسك حلى فيها مشاكلك وهمومك
وظروفك اللى عندك وبعد اما تفوقى من كل دة احنا فى انتظارك لان مكانك هنا فى
المنتدى هيفضل بتاعك انتى وبس

وانا اسفة انى كنت جامدة فى كلامى
بس انا عايزة مصلحتك مش اكتر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: تذكرونى بالخير
الموضوع	كاتب الموضوع	المنتدى	مشاركات	آخر مشاركة
حصريا بالفيديو ضرب برلسكونى رئيس وزراء ايطاليا بالحجر فى الوجه وتحطيم أسنانه	yasmena	حارة الميديا المنوعة	0	15-12-2009 03:44 PM

تذكرونى بالخير

دار مناسبات

للمزيد من مواضيعي

الذين يشاهدون محتوى الموضوع الآن : 1 ( الأعضاء 0 والزوار 1)